نكت مغربية % 100

السلام عليكم

عدت من جديد

بنكت جديدة

انشاء الله تنال اعجابكم

بسم الله نبدأ

نكتة 1 :

هادا واحد الولد مستيلي كان راكب ف الطوبيس ولابس سبرديلة ديال ربعين ألف ريال
جات واحد المرا شارفة عفطات عليه
قال ليها: سمحي ليا أ الوالدة، راكي عافطة على ربعين ألف ريال
تحنات المرا مادة إيديها وقالت ليه: ديال أوليدي

نكتة 2 :

واحد مشى عند مول الشفنج، قال ليه: عطيني كيلو ديال الشفنج.
كلاه وما شبعش، قال ليه: زيد نص كيلو.
كلاه وما شبعش، قال ليه: زيد رابعة.
كلاه وهو يشبع، وقال تفوووووووو من اللول كنت ناخد رابعة

نكتة 3 :

واحد المرا حاملة تافقات مع راجلها إيلا ولدو بنت يسميوها مبروكة وإيلا ولدوا ولد يسميوه مبروك
ملي ولدات المرا، خرج الطبيب عند الراجل وقال ليه: ألف مبروك
وهو يسخف الراجل مسكين

نكتة 4 :

سولوا واحد المكلخ : علاش كيدير الطبيب والفراملية الكمامات إيلا كيدروا شي عملية؟
قال ليهم المكلخ : باش إيلا ما صدقاتش ليهم حتى واحد ما يقشعهم

نكتة 5 :

هادا واحد مكلخ مشى يخطب
جات البنت حطات ليه كاس ديال أتاي ليبتون
Lipton
قال ليها: من دابا بدينا ف الحجابات؟

نكتة 6 :


واحد الاستاد ديال الفرنسية سول التلاميذ دياولو: أشنو هي النجمة بالفرنسية؟
واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال
L'étoile
تعجب الاستاذ من هاداك الكسول وقال ليه: ركبها في جملة مفيدة.
جاوبو الكسول: اللي طوال يرجعو اللور، واللي قصار يزيدو القدام